وزیراعلیٰ سندھ کے میئر کراچی سے متعلق ڈھکے چھپے اشارے

وزیراعلیٰ سندھ نے پریس کانفرنس کے دوران میئر کراچی سے متعلق ڈھکے چھپے اشارے کیے۔

انہوں نے کہا کہ میئر اسی کمرے میں ہے، اطراف میں مرتضیٰ وہاب، شرجیل میمن اور ناصر شاہ موجود تھے۔

وزیراعلیٰ نے صحافیوں کی طرف اشارہ کرکے کہا کہ آپ بھی میئر ہوسکتے ہیں۔

میڈیا میں کراچی اور حیدرآباد سمیت دیگر کارپوریشن کے لیے میئر اور ضلع کونسل کے چیئرمین، وائس چیئرمین کیلئے چلنے والے ناموں میں کوئی صداقت نہیں ہے، پیپلز پارٹی

دوسری جانب پاکستان پیپلز پارٹی (پی پی پی) کی مرکزی قیادت کا کہنا ہے کہ پارٹی کی جانب سے حیدرآباد سمیت سندھ بھر میں میئر، ڈپٹی میئر، چیئرمین اور وائس چیئرمین کے لیے کسی بھی پارٹی امیدوار کا نام تاحال فائنل نہیں کیا گیا ہے۔

پی پی ویمن ونگ کی صدر فریال تالپور نے کہا ہے کہ کراچی اور حیدرآباد سمیت سندھ بھر میں میئر، ڈپٹی میئر اور ضلع کونسل کے چیئرمین اور وائس چیئرمین کے عہدوں کےلیے پارٹی تاحال امیدواروں کے ناموں پر غور کر رہی ہے۔

بشکریہ جنگ