پاکستان بار کا ازخود نوٹس قانون سازی کا خیرمقدم

پاکستان بار کونسل نے از خود نوٹس سے متعلق حکومتی قانون سازی کی تعریف کرتے ہوئے کہا ہے کہ از خود نوٹس کے اختیار سے متعلق قومی اسمبلی سے بل پاس کرنا قابل ستائش ہے۔

اپنے بیان میں بار کونسل کا کہنا تھا کہ از خود نوٹس میں اپیل کا حق دیا گیا ہے جو پاکستان بار کونسل کا مطالبہ تھا۔

بار کونسل نے اعلیٰ عدلیہ کے ججز میں تقسیم پر تشویش کا اظہار کیا اور کہا کہ کیس کی سماعت فل کورٹ کو کرنی چاہیے۔

پاکستان بار کونسل نے امید ظاہر کی ہے کہ قومی اسمبلی کے بعد سینیٹ بھی بل پاس کرکے قانون کی شکل دے گی۔

بار کونسل نے لائرز پروٹیکشن اینڈ ویلفیئر بل 2023 پاس کرنے پر بھی حکومت کے شکر گزار ہیں۔

بشکریہ جنگ