سابق حکومت میں فون آتے تھے اور زبردستی بٹھایا جاتا تھا، نور عالم

چیئرمین پبلک اکاؤنٹس کمیٹی نور عالم خان نے کہا ہے کہ قومی اسمبلی میں بھی حلفاً کہتا ہوں اور خانہ کعبہ میں بھی کہوں گا کہ اس حکومت، اس چیف آف آرمی اسٹاف اور اس ڈی جی آئی ایس آئی سے پہلے ہمیں ٹیلی فونز پر زبردستی بٹھایا جاتا تھا۔

قومی اسمبلی اجلاس میں اظہارِ خیال کرتے ہوئے انہوں نے کہا کہ اب اگر کوئی کرنل، بریگیڈیئر، جرنیل کالیں نہیں کرتا تو آپ خفا کیوں ہیں؟

چیئرمین پبلک اکاؤنٹس کمیٹی (پی اے سی) اور اپوزیشن رہنما نور عالم خان نے کہا ہے کہ خیبرپختونخوا میں روزانہ لوگ شہید ہو رہے ہیں اور یہاں سب گپ شپ لگا رہے ہیں۔

انہوں نے مزید کہا کہ شکر کریں کہ وہ اب مداخلت نہیں کرتے، خدا کے واسطے جھوٹے بیانات نہ دیا کریں۔

بشکریہ جنگ