ناصر بٹ کی تہرے قتل میں ضمانت قبل از گرفتاری منظور

مسلم لیگ (ن) کے رہنما ناصر بٹ کی تہرے قتل میں ضمانت قبل از گرفتاری منظور کرلی گئی۔

ملزم کی ضمانت قبل از گرفتاری ایڈیشنل ڈسٹرک اینڈ سیشن راولپنڈی کے جج سہیل انجم نے منظور کی۔

مسلم لیگ (ن) رہنما ناصر بٹ نے کہا ہے کہ وہ برطانوی شہریت چھوڑ کر پاکستان جارہے ہیں۔

ناصر بٹ کی ضمانت قبل از گرفتاری 3 اپریل تک منظور کرلی گئی ہے، عدالت نے ساتھ ہی آئندہ تاریخ پر تفتیشی افسر سے ریکارڈ بھی طلب کرلیا ہے۔

ن لیگی رہنما پر اکتوبر 1996ء میں تہرے قتل کا مقدمہ تھانہ صادق آباد میں درج تھا۔

اس مقدمے میں ملزم ناصر بٹ کے اس سے قبل ریڈ وارنٹ بھی جاری کیے گئے تھے۔ وہ مقدمے کے اندراج کے بعد سے بیرون ملک مقیم تھے۔

بشکریہ جنگ