افغانستان کیخلاف سیریز، منصور رانا قومی ٹیم کے منیجر برقرار

پاکستان اور افغانستان کے درمیان ہونے والی ٹی ٹوئنٹی سیریز کے لیے منصور رانا کو قومی ٹیم کا منیجر برقرار رکھا گیا ہے۔

ذرائع کے مطابق منصور رانا افغانستان کے خلاف سیریز میں فرائض انجام دیں گے۔

ذرائع کا بتانا ہے کہ افغانستان کے خلاف ہونے والی سیریز کے لیے مقامی کوچنگ اسٹاف کا پہلے ہی فیصلہ ہو چکا ہے۔

افغانستان کے خلاف ہونے والے ٹی ٹوئنٹی سیریز کے لیے شاداب خان کو قومی ٹیم کا کپتان بنانے کا فیصلہ کیا گیا ہے۔

قومی ٹیم کے سابق کھلاڑی محمد یوسف سیریز کے لیے پاکستان ٹیم کے عبوری کوچ ہوں گے۔

واضح رہے کہ پاکستان اور افغانستان کے درمیان تین ٹی ٹوئنٹی میچز کی سیریز شارجہ میں کھیلی جائے گی۔

پاکستان اور افغانستان ٹی ٹوئنٹی سیریز 24 مارچ سے شروع ہوگی، سیریز کا دوسرا میچ 26 اور تیسرا 27 مارچ کو کھیلا جائے گا۔

بشکریہ جنگ