بنگلادیش نے عالمی چیمپئن انگلینڈ کو ٹی ٹوئنٹی سیریز میں شکست دے دی

بنگلادیش نے ٹی ٹوئنٹی کی عالمی چیمپئن انگلینڈ کو 3 میچز کی سیریز میں شکست دے دی۔

میرپور میں کھیلے جانیوالے دوسرے ٹی ٹوئنٹی میں بنگلادیش نے انگلینڈ کو 4 وکٹوں سے شکست دی۔

اس فتح کے ساتھ ہی تین میچز کی سیریز میں بنگلادیش کو 0-2 کی فیصلہ کن برتری حاصل ہوگئی۔

میچ میں انگلینڈ نے ہوم ٹیم کو 118 رنز کا ہدف دیا، جسے بنگلادیش نے 7 گیندوں قبل ہی حاصل کرلیا۔

بنگلادیش کی طرف سے نجم الحسین 46 رنز بنا کر ناقابلِ شکست رہے جبکہ مہدی حسن 20، توحید ہردوئے نے 17 رنز بنائے۔

انگلینڈ نے پہلے بیٹنگ کرتے ہوئے مقررہ 20 اوورز میں 117 رنز بنائے تھے۔ بین ڈکِٹ 28 رنز بنا کر ٹاپ اسکورر رہے۔

انگلینڈ کے فل سالٹ 25، معین علی 15 اور سیم کررن نے 12 رنز بنائے۔

بنگلادیش کے مہدی حسن نے 12 رنز دے کر 4 وکٹیں حاصل کیں، جو میچ کے بہترین کھلاڑی بھی قرار پائے۔

بشکریہ جنگ