تیسرا ون ڈے، آسٹریلین ویمن ٹیم کا پاکستان کو جیت کیلئے 337 رنز کا ہدف

آسٹریلین ویمن ٹیم نے  پاکستان ویمن ٹیم کو تیسرے ون ڈے میچ میں جیت کے لیے 337 رنز کا ہدف دے دیا۔

آسٹریلیا کے شہر سڈنی میں جاری میچ میں پاکستان ٹیم نے ٹاس جیت کر پہلے فیلڈنگ کا فیصلہ کیا تھا۔

آسٹریلین ویمن ٹیم نے 50 اوورز میں 9 وکٹوں پر 336 رنز بنائے۔

آسٹریلوی پلیئر بیتھ مونی نے 133 جبکہ میگ لیننگ 72 اور تاہلیا میگرا نے 30 رنز بنائے۔

پاکستان کی جانب سے فاطمہ ثنا نے 3، ندا ڈار اور ڈیانا بیگ نے 2،2 کھلاڑیوں کو آؤٹ کیا۔

یاد رہے کہ 3 میچوں کی سیریز میں آسٹریلیا کو پاکستان پر دو صفر کی برتری حاصل ہے۔

بشکریہ جنگ