کراچی کے 6 شہری دو ہفتے سے بحری جہاز میں محصور

کراچی کے 6 شہری بیرونِ ملک سمندر میں بحری جہاز میں پھنس گئے، محصورین کے اہل خانہ کا کہنا کے کہ کھلے سمندر میں جہاز کے دونوں انجن بند ہوگئے ہیں۔

بحری جہاز میں محصور دلدار خان کے بیٹے اسد اللّٰہ خان نے جیو نیوز سے گفتگو میں بتایا کہ 15 ستمبر کو ان کے والد سمیت کراچی کے 5 رہائشی بذریعہ ایجنٹ دبئی بحری جہاز میں بطور لوڈر کام کرنے گئے تھے۔

انہوں نے کہا کہ جہاز عمان سے مصر کی جانب رواں دواں تھا کہ بیچ سمندر میں جہاز کے دونوں انجن بند ہوگئے اور گزشتہ 15 روز سے جہاز سمندر میں رکا ہوا ہے اور کھانے پینے کا سامان بھی ختم ہوچکا ہے۔

اسداللّٰہ خان نے یہ بھی بتایا کہ جہاز کے ڈوبنے کا بھی خدشہ ہے۔

سماجی رہنما انصار برنی نے بھی متعلقہ حکام سے پاکستانیوں کی مدد کرنے کی اپیل ہے۔

بشکریہ جنگ