عمران کے اسمبلیاں توڑنے کے اعلان سے پہلے پرویز الہٰی کی ملاقاتیں

چیئرمین پی ٹی آئی عمران خان نے کل اسمبلیاں توڑنے کا اعلان کرنا ہے جب کہ وزیراعلیٰ پنجاب پرویز الہٰی نے اہم ملاقاتیں شروع کر دی ہیں۔

وزیر اعلیٰ پنجاب چوہدری پرویز الہٰی آج شام ہنگامی طور پر راولپنڈی پہنچے، راولپنڈی میں اہم ملاقات کے بعد رات کو واپس لاہور پہنچے، جہاں انہوں نے پارٹی رہنماؤں سے مشاورت کی۔

ذرائع کا کہنا ہے کہ لاہور پہنچنے کے بعد پرویز الہٰی نے پارٹی رہنماؤں سے مشاورت کی، پرویز الہٰی اور مونس الہٰی چاہتے ہیں کہ اسمبلیاں نہ ٹوٹیں۔

ذرائع کے مطابق پرویز الہٰی نے عمران خان کو بھی اسمبلیاں توڑنے میں جلدی نہ کرنے کا مشورہ دیا ہے۔ ن لیگ بھی چوہدری شجاعت کی جانب سے ٹھوس بات کرنے کے انتظار میں ہے۔

ذرائع کا کہنا ہے کہ چوہدری شجاعت بھی پرویز الہٰی کو قومی امور پر مشورے دے رہے ہیں۔

بشکریہ جنگ