مارشل آرٹس راشد نسیم کا تیزی سے بوتل کیپ کھولنے کا عالمی ریکارڈ

پاکستان کے مارشل آرٹس راشد نسیم نے نن چکو کے ساتھ سب سے زیادہ تیزی سے بوتل کیپ کھولنے کا عالمی ریکارڈ اپنے نام کرلیا۔

راشد نسیم نے چین کے یوئی ہائی چوان (Yue Haichuan) کو شکست دے کر مجموعی طور پر 82 واں ریکارڈ قائم کیا۔

گنیز ورلڈ ریکارڈ نے ای میل کے ذریعے راشد نسیم کے ریکارڈ کی تصدیق کی اور اس کی تفصیلات ویب سائٹ پر بھی جاری کردی ہیں۔

راشد نسیم نے یہ ریکارڈ گنیز ورلڈ ریکارڈ کی سالگرہ کے موقع پر بنایا ہے۔

اس سے قبل وہ چین کے کھلاڑیوں کو 3 مرتبہ ہرا چکے ہیں اور اپنے 100 ریکارڈ مکمل کرنے کے لیے پرعزم ہیں۔ 

دنیا میں سب سے زیادہ مارشل آرٹس کیٹیگری میں ریکارڈ بنانے والے راشد نسیم نے نن چکو کیٹیگری میں صرف 8.79 سیکنڈ میں 10 پانی کی بوتلوں کو کھول کر ورلڈ ریکارڈقائم کیا۔

اس سے قبل نن چکو کے ساتھ 10 نیو اینڈ سیلڈ بوتلوں کے ڈھکن کھولنے کا ریکارڈ چین کے یوئی ہائی چوان (Yue Haichuan) کے پاس تھا جنہوں نے 11.85 سیکنڈ میں سب سے زیادہ بوتلوں کو کھولا تھا۔

خیال رہے کہ راشد نسیم کو حکومتی سرپرستی حاصل نہیں اور وہ یہ تمام ریکارڈز اپنی مدد آپ کے تحت بنا رہے ہیں۔

بشکریہ جنگ