نئی تبدیلیوں کے ساتھ ٹوئٹر بلیو کا نیا ورژن کل سے دوبارہ لانچ ہو گا

ٹوئٹر کمپنی کا کہنا ہے کہ نئی تبدیلیوں کے ساتھ ٹوئٹر بلیو کا نیا ورژن کل (پیر) سے دوبارہ لانچ کیا جائے گا۔

ٹوئٹر کمپنی کے مطابق نئی سروس کی سبسکرپشن سے صارفین اپنے ٹوئٹس میں ترمیم کر سکتے ہیں۔

سبسکرپشن سے صارفین 1080 پکسل کی ویڈیو بھی اپ لوڈ کر سکیں گے۔

رپورٹس کے مطابق ٹوئٹر ملازمین کو ہدایت دی گئی ہے کہ ٹوئٹر بلیو اور دیگر فیچر کے استعمال کیلئے صارفین سے پہلے مرحلے میں 5 ڈالر لیے جائیں گے جبکہ اس سے بڑی سبسکرپشن پر صارفین کو بلیو ٹک دیا جائے گا۔

ٹوئٹر کمپنی نے مزید بتایا ہے کہ نئی سروس کی سبسکرپشن فیس 8 ڈالرز فی ماہ ہو گی۔

ٹوئٹر کمپنی نے یہ بھی بتایا ہے کہ نئی سروس کی سبسکرپشن ایپل صارفین کے لیے 11 ڈالرز فی ماہ ہو گی۔

بشکریہ جنگ