انگلینڈ کےکرکٹرز کے پاکستان میں بیمار پڑنے کی وجہ سامنے آگئی

انگلینڈ کے کھلاڑیوں نے پاکستان میں موسم سرما کو زیادہ سنجیدگی سے نہیں لیا، اس لیے بیمار پڑگئے۔

ذرائع کے مطابق، انگلینڈ کے کھلاڑیوں کی سرد موسم کے لحاظ سے کپڑے پہننے میں لاپرواہی کے باعث اسلام آباد کا بدلتا ہوا موسم ان کی صحت پر اثرا انداز ہوگیا۔

ذرائع کا کہنا ہے کہ رات کی تقریب میں بیشتر انگلش کھلاڑیوں نے موسمِ گرما کے حساب سے آدھی آستینوں والی شرٹس پہن رکھی تھیں۔

انگلینڈ ٹیسٹ اسکواڈ میں شامل 7 کھلاڑیوں کی طبیعت خراب ہوئی ہے، بیمار پڑنے والے کھلاڑیوں کو معمول کے نزلے اور زکام کی شکایت ہے، ابھی تک کسی کو بھی سخت بخار نہیں۔

ذرائع نے یہ بھی بتایا کہ پاکستان کے ٹیسٹ اسکواڈ کے کسی بھی ممبر کو صحت سے متعلق کوئی مسلہ نہیں ہوا۔

بشکریہ جنگ