ڈسٹرکٹ ہیلتھ آفیسر (ڈی ایچ او) اسلام آباد کا کہنا ہے کہ ہیلتھ ورکرز اور 60 سال سے زائد عمر کے افراد کی ویکسی نیشن جاری ہے، ابھی تک 35 ہزار 845 افراد ویکسی نیشن کے لیے رجسٹرڈ ہوچکے ہیں۔
ڈی ایچ او نے بتایا کہ مجموعی طور پر21 ہزار 952 ہیلتھ ورکرز، سینئر سیٹیزن کی ویکسی نیشن ہو چکی ہے جبکہ ابھی تک7 ہزار 45 بزرگ افراد کو ویکسین کی پہلی ڈوز لگائی جا چکی ہے۔
ان کا کہنا تھا کہ پمز ہسپتال میں ابھی تک 6 ہزار 622 افراد کو ویکسین لگائی گئی، آر ایچ سی ترلائی، ویکسی نیشن مرکز میں 4 ہزار287 افراد کو ویکسین لگائی جا چکی ہے۔
سی ڈی اسپتال میں 4 ہزار 210 افراد کو ویکسین لگائی گئی،فیڈرل جنرل اسپتال میں ایک ہزار 936 افراد ویکسین لگوا چکے ہیں ، اس کے علاوہ پولی کلینک اسپتال میں 2 ہزار 487 افراد کو ویکسین لگائی گئی ہے۔
ڈی ایچ او کے مطابق دیگر ویکسی نیشن مراکز میں بھی ویکسین لگانے کا عمل جاری ہے۔
Comments are closed.