پاکستان ویمن کرکٹ ٹیم کے نئے ہیڈ کوچ کی تلاش جاری

پاکستان ویمن کرکٹ ٹیم کے ہیڈ کوچ کے لیے تلاش جاری ہے جس کے لیے کرکٹ بورڈ نے اشتہار بھی دے رکھا ہے۔

پی سی بی نے 20 نومبر تک ہیڈ کوچ ویمن کرکٹ ٹیم کے لیے درخواستیں طلب کر رکھی ہیں۔

ڈیوڈ ہیمپ کے عہدے کی مدت ختم ہونے کے بعد ہیڈ کوچ کا باضابطہ تقرر نہیں کیا گیا اور سابق فاسٹ بولر سلیم جعفر اس وقت ذمہ داریاں نبھا رہے ہیں۔

پاکستان کرکٹ بورڈ آسٹریلیا کے دورے سے قبل ہیڈ کوچ کا تقرر کرنے کا خواہشمند ہے۔

آئرش ویمن کرکٹ ٹیم ون ڈے اور ٹی ٹوئنٹی سیریز کھیلنے کے بعد وطن واپس روانہ ہوگئی۔

آسٹریلیا کے خلاف سیریز کے علاوہ آئندہ برس کے اوائل میں قومی ٹیم کو ٹی ٹوئنٹی ورلڈکپ میں بھی شرکت کرنی ہے۔

آئی سی سی ٹی ٹوئنٹی ورلڈ کپ 10 فروری سے جنوبی افریقا میں شیڈول ہے۔

واضح رہے کہ پاکستان ویمن ٹیم کو حال ہی میں آئرلینڈ نے لاہور میں کھیلی جانے والی ٹی ٹوئنٹی سیریز میں 1-2 سے شکست دی تھی۔

بشکریہ جنگ