اسلام آباد: سید پور گاؤں میں 4 سے 5 چیتوں کی مبینہ موجودگی کی اطلاع

وفاقی دارالحکومت اسلام آباد کے سید پور گاؤں میں چار سے پانچ چیتوں کی مبینہ موجودگی کی اطلاع ملی ہے۔

سید پور گاؤں میں شہریوں کو گھروں میں رہنے کیلئے مساجد میں اعلانات کیے گئے۔

ترجمان اسلام آباد پولیس کا کہنا ہے کہ پولیس کی نفری سید پور کے علاقوں میں تعینات کردی گئی، محکمہ وائلڈ لائف کو بھی اطلاع کردی گئی ہے۔

اسلام آباد پولیس کا کہنا ہے کہ سید پور کے رہائشیوں سے پر سکون رہنے کی گزارش ہے، وائلڈ لائف اہلکار سے مل کر علاقہ محفوظ رکھنے میں کردار ادا کریں گے۔

ترجمان پولیس کا کہنا ہے کہ کسی بھی ہنگامی صورتحال میں پکار 15 پر اطلاع دیں۔

بشکریہ جنگ