انگلینڈ جانتا ہے فائنل میں پاکستان بولنگ کرائے گا بھارت نہیں: شعیب اختر

پاکستان کرکٹ ٹیم کے سابق فاسٹ بولر شعیب اختر نے پاکستان اور انگلینڈ کے ٹی ٹوئنٹی ورلڈ کپ کے فائنل میچ پر تبصرہ کرتے ہوئے بھارت کی سیمی فائنل میں خراب بولنگ کا ذکر بھی کر دیا۔

شعیب اختر نے اپنے یوٹیوب چینل پر کہا ہے کہ انگلینڈ بہت اچھی پوزیشن میں ہے، ان کا اعتماد آسمان کو چھونے والا ہو گا۔

شعیب اختر نے کہا کہ انگلینڈ کو پتہ ہے کہ فائنل میں پاکستان بولنگ کرائے گا بھارت نہیں۔

شعیب اختر نے کہا کہ پاکستان کی بولنگ کے سامنے انگلینڈ کو کچھ نہ کچھ کر کے جیتنا پڑے گا، جو اتنا آسان نہیں ہو گا۔

سابق فاسٹ بولر نے کہا کہ پاکستان کو اپنا اے گیم لانا ہے اور کسی موقع پر انگلینڈ کو کوئی موقع نہیں دینا۔

بھارت کے سابق ٹیسٹ کرکٹر سنجے منجریکر نے کہا ہے کہ پاکستانی کرکٹ ٹیم کی قوت ٹاپ کلاس بولنگ اٹیک ہے جبکہ انگلینڈ کے پاس تکنیکی لحاظ سے بہت اچھے کھلاڑی ہیں۔

شعیب اختر نے پیش گوئی کی کہ یہ بہت ہی مشکل فائنل ہو گا۔

واضح رہے کہ ٹی ٹوئنٹی ورلڈ کپ کے دوسرے سیمی فائنل میں انگلینڈ نے بھارت کو 10 وکٹوں سے بدترین شکست دی تھی۔

بشکریہ جنگ