ٹی 20 ورلڈ کپ فائنل کے میچ آفیشلز کا اعلان کردیا گیا

آسٹریلیا کے تاریخی میلبرن اسٹیڈیم میں ٹی 20 ورلڈ کپ 2022ء کے فائنل کے لیے آئی سی سی نے میچ آفیشلز کا اعلان کردیا ہے۔

آئی سی سی اعلامیے کے مطابق پاکستان اور انگلینڈ کے درمیان میگا ایونٹ کا فائنل میچ میلبرن میں اتوار کو پاکستانی وقت کے مطابق دوپہر 1 بجے شروع ہوگا۔

آئی سی سی نے فائنل کے لیے ماریس ایراسمس اور کمار دھرما سینا کو فیلڈ امپائر مقرر کیا ہے جبکہ کرس گفانی ٹی وی جبکہ پال ریفل فورتھ امپائر مقرر کیے گئے ہیں۔

آئی سی سی ٹی 20 ورلڈ کپ کے پاکستان اور انگلینڈ کے فائنل کے لیے سری لنکا کے رنجن مدوگالے فائنل کے میچ ریفری ہوں گے۔

بشکریہ جنگ