پاک انگلینڈ فائنل، کیا 92ء کی تاریخ دہرائی جائے گی؟
پاکستان اور انگلینڈ کے درمیان انٹرنیشنل کرکٹ کونسل (آئی سی سی) ٹی 20 ورلڈ کپ کا فائنل کل میلبرن میں کھیلا جائے گا۔
میلبرن کی سڑکوں پر میچ سے قبل ہی جشن کا سماں ہے، پاکستانیوں کا جوش اپنے عروج پر پہنچ گیا ہے۔
آسٹریلیا میں جیتے گا بھئی جیتے گا، پاکستان جیتے گا کے نعروں سے سڑکیں گونج اٹھیں ہیں، ہر طرف سے دل دل پاکستان اور ہے جذبہ جنوں تو ہمت نہ ہار کی صدائیں بلند ہو رہی ہیں۔
کیا 30 سال بعد 92 کی تاریخ دہرائی جائے گی؟ بابراعظم کیا مغل اعظم بن پائیں گے؟ کیا پاکستان کرکٹ ٹیم پر سر پر چیمپئن کا تاج سجے گا؟ فیصلہ بس چند گھنٹوں کی دوری پر ہے۔
فینز چاہے آسٹریلیا میں ہوں یا پاکستان میں، وہ تو جیت کے جشن تک مناچکے ہیں، انہیں گرین شرٹس کی جیت کا یقین ہوچکا ہے۔
سڑکوں پر ہلہ گلہ ہے، نعرہ پاکستان ہے، دل دل پاکستان کے لئے دھڑک رہا ہے، بچہ ہو بڑایا بوڑھا، بس پاکستان کے ورلڈ کپ جیتنے کا انتظار کر رہا ہے۔
گرین شرٹس نے ایونٹ میں کلک بھی موقع پر کیا، کھلاڑیوں کا حوصلہ بھی بلند ہے بس ہر طرف جیت ہی جیت نظر آرہی ہے، لگ رہا ہے کہ 1992 کے تاریخ ایک بار پھر دہرائی جارہی ہے۔
Comments are closed.