ٹانگ سے محروم فٹبالر کا شاندار گول

ٹانگ سلامت نہیں تو کیا ہوا، فٹ بال کھیلنے کا جذبہ تو ہے۔ پولینڈ کے ٹانگ سے محروم فٹبالر مارسن اولیکسی نے ایک ناقابل یقین گول کیا تو دیکھنے والے حیرت کا شکار ہوگئے۔

غیر ملکی میڈیا رپورٹ کے مطابق پولینڈ میں منعقدہ ایمپیوٹی فٹبال لیگ کے فائنل میں معذور فٹبالر مارسن اولیکسی نے شاندارگول کرکے 4-0 سے مقابلہ اپنے نام کرلیا۔

گزشتہ اتوار کو پولینڈ میں منعقدہ ایمپیوٹی فٹبال لیگ کے فائنل سے ایک ویڈیو سوشل میڈیا پر بھی خوب وائرل ہو رہی ہے۔

اس ویڈیو میں مارسن اولیکسی انتہائی شاندار طریقے سے توازن اور تکنیک کا مظاہرہ کرتے ہوئے بائیسکل کک لگا کر گول کرتے ہیں تو گول کیپر بھی گول ہونے پر حیران رہ جاتا ہے۔

واضے رہے کہ ایمپیوٹی فٹبالر مارسن اولیکسی کار حادثے میں ایک ٹانگ سے معذور ہونے سے قبل فٹ بال ٹیم میں گول کیپر کے طور پر کھیلا کرتے تھے۔

بشکریہ جنگ