حسن علی نے بھی واٹسن والی خواہش کا اظہار کر دیا

قومی کرکٹ ٹیم کے فاسٹ بولر حسن علی نے بھی سابق آسٹریلوی آل راؤنڈر شین واٹسن والی خواہش کا اظہار کر دیا۔

سماجی رابطے کی سائٹ ٹوئٹر پر جاری کیے گئے پیغام میں حسن علی نے پاکستان اور بھارت کو ٹی ٹوئنٹی ورلڈ کپ کے فائنل میں دیکھنے کی خواہش کا اظہار کیا ہے۔

حسن علی کا کہنا ہے کہ میں پاکستان اور بھار ت کو فائنل میں دیکھنا چاہتا ہوں۔

فاسٹ بولر نے اپنے مداحوں سے بھی سوال کیا کہ آپ کس کو فائنل میں دیکھنا چاہتے ہیں؟

سابق آسٹریلوی آل راؤنڈر شین واٹسن کا کہنا ہے کہ ہر کوئی ٹی ٹوئنٹی ورلڈ کپ کے فائنل میں پاکستان اور بھارت کو دیکھنا چاہے گا۔

واضح رہے کہ دو روز قبل سابق آسٹریلوی آل راؤنڈر شین واٹسن کا کہناتھا کہ ہر کوئی ٹی ٹوئنٹی ورلڈ کپ کے فائنل میں پاکستان اور بھارت کو دیکھنا چاہے گا۔

شین واٹسن نے کہا کہ بدقسمتی سے میں سپر 12 میں میلبرن کرکٹ گراؤنڈ میں پہلا مقابلہ نہیں دیکھ سکا تھا، میں تب اس سے پہلے آسٹریلیا نیوزی لینڈ میچ کی کمنٹری کر رہا تھا۔

بشکریہ جنگ