ضمنی انتخابات: قومی اسمبلی کے 8 میں سے 7 کے مکمل نتائج، پی ٹی آئی 5 میں کامیاب

سندھ، پنجاب اور خیبر پختون خوا کے قومی اسمبلی کے 8 میں سے 7 کے مکمل نتائج موصول ہوگئے، اب تک کے نتائج کے مطابق تحریک انصاف قومی اسمبلی کی 5 نشستوں پر کامیاب ہوگئی۔

قومی اسمبلی کی پشاور، مردان، چارسدہ ، ننکانہ صاحب اور فیصل آباد کی نشستوں پر عمران خان کامیاب ہوگئے۔

ثمر بلور نے کہا کہ اے این پی کے کارکن ایک خاندان کی طرح ہیں ہمیشہ ساتھ رہیں گے۔

اب تک کے نتائج کے مطابق پیپلز پارٹی قومی اسمبلی کی 2 نشست پر کامیاب ہوئی ہے، این اے 237 کراچی ملیر میں پیپلز پارٹی کے عبدالحکیم بلوچ نے عمران خان کو شکست دے دی۔

پاکستان پیپلز پارٹی کے عبدالحکیم بلوچ 32567 ووٹ لے کر کامیاب ہوئے، جبکہ عمران خان 22493 ووٹ لے کر دوسرے نمبر پر رہے۔

پیپلز پارٹی کے علی موسیٰ گیلانی نے پی ٹی آئی کی مہر بانو قریشی کو 20 ہزار ووٹوں سے ہرا دیا۔

پاکستان پیپلز پارٹی کے علی موسیٰ گیلانی 79743 ووٹ لے کر کامیاب ہوئے، جبکہ پی ٹی آئی کی مہر بانو قریشی نے 59993 ووٹ حاصل کیے۔

غلام بلور نے کہا کہ شکست تسلیم نہیں کرتا، صوبائی حکومت کی انتظامیہ نے مجھے ہروایا ہے، الیکشن میں حکومت کی مشینری ہمارے خلاف خوب استعمال ہوئی۔

صبح 8 بجے شروع ہونے والی پولنگ کسی وقفے کے بغیر شام 5 بجے تک جاری رہی۔ قومی اسمبلی کی مردان،چارسدہ، پشاور، فیصل آباد کی نشستوں پر ووٹ ڈالے گئے، ننکانہ، ملتان اور کراچی میں ملیر، کورنگی کی نشستوں پر بھی ووٹنگ ہوئی۔

قومی اسمبلی کی نشستیں پی ٹی آئی ارکان کے استعفوں کے بعد خالی ہوئی تھیں، پنجاب اسمبلی کی نشستوں میں پی پی139شیخوپورہ پر ووٹنگ ہوئی۔ پی پی209 خانیوال، پی پی241 بہاولنگر میں بھی ووٹ ڈالے گئے۔

این اے 22 مردان کے 330  تمام پولنگ اسٹیشن کا غیر حتمی اور غیر سرکاری نتیجہ آگیا، جس کے مطابق عمران خان نے جے یو آئی کے امیدوار کو 8500 ووٹوں سے ہرادیا۔

پاکستان تحریک انصاف کے عمران خان 76681 ووٹ لے کر کامیاب ہوئے، جبکہ جمعیت علما اسلام کے محمد قاسم نے 68181 ووٹ حاصل کیے۔

این اے 24 چارسدہ 2 کے تمام  پولنگ اسٹیشنز کے غیر سرکاری و غیر حتمی نتائج کے مطابق پی ٹی آئی چیئرمین عمران خان 78589 ووٹ لے کر کامیاب ہوگئے، جبکہ عوامی نیشنل پارٹی کے ایمل ولی خان نے 68356 ووٹ حاصل کیے۔

این اے 31 پشاور کے  تمام 265 پولنگ اسٹیشنز کا غیر سرکاری غیر حتمی نتیجہ آگیا،  عمران خان نے غلام احمد بلورکو 25 ہزارووٹوں سے ہرا دیا۔

پاکستان پیپلز پارٹی کے سید علی موسیٰ گیلانی 79743 ووٹ لے کر کامیاب ہوگئے۔

 تحریک انصاف کے عمران خان 57 ہزار 824 ووٹ لے کر کامیاب ہوئے۔

اے این پی کے غلام احمد بلور 32 ہزار 817 ووٹ لے کر دوسرے نمبر پر رہے۔

این اے 108 فیصل آباد؛ تمام 354 پولنگ اسٹیشنز کا غیر سرکاری غیر حتمی نتیجہ سامنے آگیا، جس کے مطابق  عمران خان نے عابد شیرعلی کو 24471 ووٹوں سے ہرا دیا۔

پاکستان تحریک انصاف (پی ٹی آئی) کے عمران خان 99602 ووٹ لے کر کامیاب ہوگئے،  جبکہ مسلم لیگ ن کے عابد شیر علی 75131 ووٹ لے کر دوسرے نمبر پر رہے۔

این اے 118 ننکانہ صاحب 2 کے تمام  319 پولنگ اسٹیشنز کا غیر سرکاری غیر حتمی نتیجہ سامنے آگیا، جس کے مطابق تحریک انصاف کے عمران خان 90180 ووٹ لے کر کامیاب ہوئے۔

پاکستان مسلم لیگ (ن) کی شذرہ منصب علی نے 78024 ووٹ حاصل کیے۔

این اے 157 ملتان کے  تمام 264 پولنگ اسٹیشنز کا غیر سرکاری غیر حتمی نتیجہ سامنے آگیا۔

پاکستان پیپلز پارٹی کے علی موسیٰ گیلانی نے پی ٹی آئی کی مہر بانو قریشی کو 25 ہزار 186 ووٹوں سے ہرا دیا، علی موسیٰ گیلانی 107327 ووٹ لے کر کامیاب ہوئے۔

تحریک انصاف کی مہر بانو قریشی نے 82141 ووٹ حاصل کیے۔

این اے 237 کراچی ملیر کے تمام  194پولنگ اسٹیشنز کا غیر سرکاری غیر حتمی نتیجہ سامنے آگیا۔

پاکستان پیپلز پارٹی کے عبدالحکیم بلوچ نے عمران خان کو 10 ہزار 74 ووٹوں سے ہرادیا، پیپلز پارٹی کے عبدالحکیم بلوچ 32567 ووٹ لے کر کامیاب ہوئے۔

عمران خان22493 ووٹ لے کر دوسرے نمبر پر رہے۔

این اے 239 کراچی، کورنگی کے 330  میں سے 305 پولنگ اسٹیشنز کا غیر سرکاری غیر حتمی نتیجہ سامنے آگیا۔

جس کے مطابق پی ٹی آئی کے عمران خان 46993 ووٹ لے کر پہلے نمبر جبکہ متحدہ قومی موومنٹ کے سید نیئر رضا 15552 ووٹ لے کردوسرے نمبر پر موجود ہیں۔

الیکشن کمیشن کا کہنا ہے کہ قومی صوبائی اسمبلی کے11حلقوں میں الیکشن مجموعی طور پر پُر امن رہا، پولنگ سے متعلق الیکشن کمیشن مرکزی کنٹرول روم کو15 شکایتیں موصول ہوئیں۔

ترجمان الیکشن کمیشن کا کہنا ہے کہ زیادہ تر شکایات کارکنوں کے تصادم اور معمولی نوعیت کے جھگڑوں سے متعلق تھیں، موصول ہونے والی تمام شکایات کو فوری طور پر حل کر دیا گیا۔

ملک کے مختلف حصوں میں قومی اور صوبائی نشستوں پر ضمنی الیکشن کے دوران کہیں ضابطہ اخلاق کی خلاف ورزی کی گئی،کہیں سیاسی ورکرز سامنے آگئے تو کہیں ووٹر خاتون کی جگہ دوسری خاتون نے ووٹ کاسٹ کرلیا۔

خواتین کے ایک پولنگ اسٹیشن میں خاتون نے دوسری خاتون کا ووٹ کاسٹ کر دیا، مُہر لگانے کے بعد خاتون نے بیلٹ پیپر ووٹر خاتون کو پکڑا دیا۔

ملتان این اے 157 کے ایک پولنگ اسٹیشن میں نا معلوم ووٹر نے ضابطہ اخلاق کی خلاف ورزی کرتےہوئے بیلٹ پیپر پر مُہر لگانےکی تصویر سوشل میڈیا پر وائرل کردی، عملہ ووٹرز کو موبائل اندر لے جانے سے روکنے پر نا کام رہا۔

ملتان کےسردارپور پولنگ اسٹیشن پرسیاسی کارکنوں کے درمیان تلخ کلامی پر کشیدگی کی وجہ سے پولنگ کاعمل کچھ دیر کے لئے رکا رہا۔

فیصل آباداین اے 108 ضمنی انتخاب کےدوران پولنگ اسٹیشن 305 میں سیاسی ورکرز آمنے سامنے آگئے، سیاسی گرما گرمی کے باعث کچھ دیر کیلئے پولنگ کا عمل متاثر رہا۔

خانیوال میں پی پی 209 کےنواحی گاؤں میں پولنگ اسٹیشن کے باہر پی ٹی آئی کے  امیدوار فیصل خان نیازی کے بڑے بھائی اور ن لیگ کے امیدوار ضیاالرحمان کے بڑے بھائی آپس میں لڑ پڑے، دونوں امیدواروں کے حمایتیوں کے درمیان ہاتھا پائی اور دھکم پیل ہوئی۔

بشکریہ جنگ