نیب لاہور نے سابق چیئرمین واپڈا کو نوٹس جاری کردیا

قومی احتساب بیورو (نیب) لاہور نے سابق چیئرمین واپڈا لیفٹیننٹ جنرل ریٹائرڈ مزمل حسین کو نوٹس جاری کردیا۔

لیفٹیننٹ جنرل ریٹائرڈ مزمل حسین، چیئرمین واپڈا اور دیگر کو نیب لاہور کی جانب سے نوٹس بھیجا گیا ہے۔

نیب کی جانب سے خط میں کہا گیا کہ سابق چیئرمین کے خلاف اختیار کے غلط استعمال، سرکاری فنڈز میں بےضابطگی کی شکایات درج ہیں، مالی فوائد، تربیلا کے چوتھے ہائیڈرو پاور پروجیکٹ میں سرکاری وسائل کو نقصان پہنچانے کے خلاف شکایت درج ہے۔

خط میں ہدایت کی گئی کہ الزامات پر جواب اور اپنے اثاثوں کا پرفارما بھی جمع کروائیں، الزامات پر ڈپٹی ڈائریکٹر کمپلیننٹ سیل قدسیہ فردوس کے سامنے پیش ہوں۔

بشکریہ جنگ