ویڈیو، قومی کرکٹرز کی مہمان کھلاڑیوں سے خوش گپیاں

ٹی ٹوئنٹی سیریز سے قبل پاکستان اور انگلینڈ کے کھلاڑیوں نے ایک ساتھ پریکٹس کی، دونوں ٹیموں کے پلیئرز ایک ساتھ نیشنل اسٹیڈیم میں نیٹس پر بھرپور مشقیں کیں۔

ویڈیو میں دیکھا جا سکتا ہے کہ ایلس ہیلز اور شان ش مسعود ایک دوسرے سے گفتگو کر رہے ہیں، اس کے علاوہ انگلش کھلاڑی آصف علی کا بیٹ بھی دیکھ رہے ہیں۔

قومی ٹیم کے نوجوان وکٹ کیپر بیٹر محمد حارث نے جوز بٹلر سے ملاقات کی، قومی ٹیم کے ہیڈ کوچ ثقلین مشتاق اور بیٹنگ کوچ محمد یوسف انگلش کھلاڑی معین علی اور عادل رشید سے خوشگوار موڈ میں بات چیت کر رہے ہیں۔

قومی ٹیم کو ہفتے کو ہی جوائن کرنے والے محمد رضوان پریکٹس سیشن میں شریک نہیں ہوئے۔

بولنگ کوچ شان ٹیٹ طبیعت کی خرابی کی وجہ سے ٹریننگ میں نہیں آئے ۔

واضح رہے کہ پاکستان اور انگلینڈ کے درمیان سات میچز کی سیریز 20 ستمبر سے شروع ہوگی، جس کے ابتدائی 4 میچز کراچی میںہوں گے جبکہ دیگر 3 میچز لاہور میں کھیلے جائیں گے

بشکریہ جنگ