بن لادن چیریٹی اسکینڈل: میگھن مارکل کا شہزادہ چارلس سے موازنہ

بن لادن چیریٹی اسکینڈل سامنے آنے کے بعد ڈچز آف سسیکس میگھن مارکل کا موازنہ شہزادہ چارلس سے کیا جا رہا ہے۔

بین الاقوامی میڈیا کی رپورٹ کے مطابق شہزادہ چارلس، جن کے بارے میں میڈیا پر خبریں گردش کر رہی ہیں کہ اُنہوں نے اسامہ بن لادن کے بھائی بکر بن لادن سے رقم وصول کی ہے اور مشتبہ عطیہ قبول کرنے پر تنقید کی زد میں آگئے ہیں۔

اس دوران ایک سماجی کارکن ڈاکٹر شولا موس شوگبامیمو نے دعویٰ کیا کہ اگر شہزادہ چارلس کی جگہ یہ اسکینڈل میگھن مارکل کے خلاف سامنے آتا تو اُنہیں سرِ عام شرمندہ کیا جاتا۔

ڈاکٹر شولا نے برہمی کا اظہار کرتے ہوئے کہا کہ میگھن مارکل کو برطانوی میڈیا اور عوام کی طرف سے بدنام اور بدسلوکی کا نشانہ بنایا جاتا اگر وہ یا ان کی خیراتی تنظیم شہزادہ چارلس کی طرح اسامہ بن لادن کے خاندان سے 1 ملین پاؤنڈز کا عطیہ قبول کرتی۔

اُنہوں نے مزید کہا کہ میگھن سے نفرت کرنے والے ان سے ایک بیوی، ماں اور ڈچز سمیت ہر لقب سے دستبردار ہونے کا مطالبہ کرتے۔

سوشل میڈیا پر ڈاکٹر شولا کے اس تبصرے پر ملا جلا سا ردِعمل سامنے آیا ہے، کچھ لوگوں نے ان کی رائے سے اتفاق کیا تو کچھ لوگ شہزادہ چارلس کے دفاع میں سامنے آئے۔

بشکریہ جنگ