کراچی: پولیس کی انٹیلیجنس بنیادوں پر کارروائی، ڈکیتیوں میں ملوث 2 ملزمان گرفتار
کراچی میں پولیس نے انٹیلیجنس بنیادوں پر کارروائی کرتے ہوئے درجنوں ڈکیتیوں میں ملوث گروہ کے 2 کارندوں کو گرفتار کرلیا۔
چند روز قبل گزری پل کے قریب کچھ مسلح ملزمان راہزنی کی واردات کے دوران ایک شہری سے موبائل فون اور نقدی چھین کر فرار ہوئے۔
گزری پولیس کی جانب سے واقعہ کی اطلاع پر مقدمہ درج کر کے فوری ملزمان کی تلاش شروع کی گئی۔
پولیس نے انٹیلیجنس اور تکنیکی ذرائع کو استعمال میں لاتے ہوئے واردات میں ملوث گروہ کے دو ملزمان کو گرفتار کرلیا۔
ملزمان علی مشوری اور کبیر اسلم عرف بالی کے قبضے سے چھینے ہوئے 5 موبائل فونز اور بہادرآباد کے علاقے سے چھینی ہوئی موٹر سائیکل بھی برآمد کی گئی۔
دوران تفتیش ملزمان نے اپنے 4 دیگر ساتھیوں کے ساتھ کراچی کے ضلع شرقی اور جنوبی میں درجنوں وارداتوں کا اعتراف کیا۔
گرفتار ملزمان کی نشاندہی پر ان کے دیگر 4 ساتھیوں مسلم مشوری، شایان بلوچ، لیاقت اور آصف پٹھان شامل کی گرفتاری کے لیے مختلف مقامات پر چھاپے مارے جا رہے ہیں۔
پولیس نے گرفتار کیے گئے دونوں ملزمان کے خلاف مقدمات درج کر کے مزید تفتیش شروع کر دی ہے۔
Comments are closed.