تمیم اقبال کا T20 کرکٹ سے ریٹائرمنٹ کا اعلان

بنگلادیش کرکٹ ٹیم کے اوپنر تمیم اقبال نے ٹی 20 انٹرنیشنل کرکٹ سے ریٹائرمنٹ کا اعلان کردیا۔

بائیں ہاتھ کے اوپنر تمیم اقبال نے سوشل میڈیا پیغام میں ٹی 20 سے ریٹائرمنٹ کا اعلان کیا۔

تمیم اقبال نے ویسٹ انڈیز کے خلاف ون ڈے سیریز 3 صفر سے جیتنے کے بعد ٹی 20 سے ریٹائرمنٹ کا اعلان کیا ہے۔

بنگلا دیش کرکٹ ٹیم کے سینئر کرکٹر تمیم اقبال ٹی ٹوئنٹی ورلڈ کپ سے دستبردار ہوگئے۔

واضح رہے کہ تمیم اقبال نے رواں سال جنوری میں ٹی 20 کرکٹ سے 6 ماہ کا وقفہ لینے کا اعلان کیا تھا۔

انہوں نے کہا تھا کہ میں سارا فوکس ٹیسٹ اور ون ڈے کرکٹ پر رکھنا چاہتا ہوں۔

تمیم اقبال نے 78 ٹی 20 میچز میں بنگلا دیش کی نمائندگی کی ہے جس میں 1758 رنز بنائے ، اس میں ایک سنچری اور 7 نصف سنچریاں بھی شامل تھیں۔

بشکریہ جنگ