عمران ریاض کے الزامات مسترد، حکومت اسپیشل میڈیکل بورڈ بنانے کو تیار ہے، ملک احمد

مسلم لیگ (ن)  پنجاب کے رہنما اور سابق صوبائی وزیر ملک احمد خان نے اینکر پرسن عمران ریاض خان کے الزامات کو مسترد کر دیا۔

ملک احمد خان نے اینکر پرسن کی طرف سے دوران حراست غلط غذا دیے جانے سے متعلق بیان پر رد عمل دیا اور عمران ریاض خان کے الزامات مسترد کیے۔

عمران ریاض کا نام بلیک لسٹ میں شامل ہے، عمران ریاض لاہور سے دبئی جارہے تھے۔

انہوں نے کہا کہ حکومت پنجاب عمران ریاض کے الزامات پر اسپیشل میڈیکل بورڈ بنانے کو تیار ہے۔

ن لیگی رہنما نے مزید کہا کہ حکومت پنجاب اینکر پرسن کے ٹیسٹ اور چیک اپ شوکت خانم اسپتال سے بھی کرانے کو تیار ہے۔

اُن کا کہنا تھا کہ عمران ریاض جس اسپتال سے ٹیسٹ کرانا چاہیں، ہم تیار ہیں، اُن کے الزامات بظاہر بے بنیاد نظر آتے ہیں۔

ملک احمد خان نے یہ بھی کہا کہ میڈیکل بورڈ کی تشکیل کے بعد اس معاملے میں دودھ کا دودھ اور پانی کا پانی ہو جائے گا۔

بشکریہ جنگ