جمعرات سے مزيد مون سون بارشوں کى پيشگوئى

محکمۂ موسمیات کی جانب سے سندھ، بلوچستان اور جنوبى پنجاب میں جمعرات سے مزيد مون سون بارشوں کى پيشگوئى کی گئی ہے۔

محکمۂ موسمیات کی ایڈوائزی کے مطابق خليج بنگال سے مون سون ہوائيں ملک کے بالائى اور وسطى علاقوں میں داخل ہو رہى ہیں۔

محکمہ موسمیات کے مطابق 14 جولائى سے کم ہوا کا دباؤ سندھ میں شدت کے ساتھ داخل ہوگا۔

کراچی میں آئندہ 24 گھنٹوں کے دوران مطلع جزوی ابر آلود اور وقفے وقفے سے آج بھی بارش کا امکان ہے۔

اس کم ہوا کے دباؤ کے باعث 14 تا 17 جولائى کراچى، حيدر آباد، بدين، ٹھٹھہ، دادو، تھر پارکر، عمر کوٹ میں گرج چمک کے ساتھ بارش کا امکان ہے۔

اسی دوران شہيد بينظير آباد اور سانگھڑ میں بھی گرج چمک کے ساتھ بارش ہو سکتی ہے۔

بشکریہ جنگ