فیصل آباد: کار پر فائرنگ، ڈاکٹر بیٹے سمیت قتل

فیصل آباد میں موٹر سائیکل سوار ملزمان نے فائرنگ کر کے کار میں سوار ڈاکٹر اور ان کے بیٹے کو قتل کر دیا اور فرار ہو گئے۔

پولیس کے مطابق سمندری کے نجی اسپتال کے مالک ڈاکٹر عتیق اپنے بیٹے ابراہیم کے ہمراہ کار پر جا رہے تھے کہ چک 228 گ ب کے قریب نامعلوم موٹر سائیکل سواروں نے فائرنگ کر کے دونوں باپ بیٹے کو قتل کر دیا اور فرار ہو گئے۔

پولیس نے لاشیں تحویل میں لے کر پوسٹ مارٹم کے لیے اسپتال منتقل کر دیں اور واقعے کی تحقیقات شروع کر دی ہیں۔

کراچی میں واقع گلبائی پل کے قریب فائرنگ سے غیر ملکی باشندہ ڈرائیور سمیت زخمی ہو گیا، دونوں زخمیوں کو سول اسپتال منتقل کر دیا گیا ہے، جہاں انہیں طبی امداد دی جا رہی ہے۔

تاحال باپ بیٹے کے قتل کی وجہ اور واردات میں ملوث ملزمان سے متعلق پولیس کو کوئی شواہد نہیں مل سکے۔

آر پی او بابر سرفراز الپا نے دہرے قتل کا نوٹس لے کر سی پی او سے رپورٹ طلب کر لی ہے اور ملزمان کی فوری گرفتاری کا حکم دیا ہے۔

بشکریہ جنگ