پنجاب ضمنی انتخاب کیلئے مریم نواز سرگرم

مسلم لیگ ن کی نائب صدر مریم نواز پنجاب کے 20 حلقوں میں ہونے والے ضمنی انتخاب کے سلسلے میں ہفتے سے حلقوں کا دورہ شروع کریں گی۔

ذرائع کا کہنا ہے کہ مریم نواز ہفتہ، اتوار اور پیر کے روز لاہور کے حلقوں کا دورہ کریں گی۔

ذرائع کا بتانا ہے کہ مریم نواز پنجاب کے مختلف اضلاع کا دورہ بھی کریں گی۔

خیال رہے کہ جیو نیوز کے پروگرام آج شاہ زیب خانزادہ کے ساتھ بات کرتے ہوئے وزیر داخلہ رانا ثناء اللّٰہ نے کہا تھا کہ ضمنی الیکشن میں مسلم لیگ (ن) کی مہم کی قیادت مریم نواز کریں گی۔

پنجاب اسمبلی کی 20 نشستیں پی ٹی آئی ارکان کے انحراف کی وجہ سے خالی ہوئی تھیں جہاں ضمنی انتخاب 17 جولائی کو ہوں گے۔

ڈی سیٹ اراکین اسمبلی کی نشستوں پر تحریک انصاف اور پی ڈی ایم کی حمایت یافتہ جماعتوں کے درمیان مقابلہ متوقع ہے۔ 

بشکریہ جنگ