وزیر کا ذاتی خرچ پر دورۂ انڈونیشیا قابل ستائش ہے، وزیر اعظم

وزیراعظم شہباز شریف کا کہنا ہے کہ وزیر صنعت و پیداوار مرتضیٰ محمود کا خوردنی تیل کی درآمد کیلئے ذاتی خرچے پر انڈونیشیا کا دورہ قابل ستائش ہے۔

وزیر صنعت و پیداوار مرتضیٰ محمود اور سیکریٹری امداد اللّٰہ بوسال نے وزیر اعظم شہباز شریف سے ملاقات کی۔

وزیر اعظم نے وفاقی وزیر صنعت و پیداوار کی انڈونیشیا سے خوردنی تیل کی درآمد کی کوششوں کو سراہا۔

وزیراعظم نے کہا کہ بروقت درآمد سےخوردنی تیل کے متوقع بحران کے خطرے کا سدباب ہوا ہے۔

انہوں نے کہا کہ خوردنی تیل کے کارگو کی آمد سے تیل کی قیمتوں میں کمی واقع ہوگی۔

بشکریہ جنگ