کراچی: غیر ملکیوں کی گمشدگی میں ملوث SHO اور SIO گرفتار

کراچی کے علاقے گزری سے بازیاب ہونے والے غیر ملکی باشندوں کی گمشدگی میں ایس ایچ او اور ایس آئی او ڈیفنس ملوث نکلے۔

دونوں افسران نے لاکھوں روپے لے کر غیر ملکی باشندوں کو دلبر نامی شخص کے حوالے کیا تھا۔

پولیس کے مطابق 3 نائیجیرین باشندوں کی گمشدگی کے کیس میں ایس ایچ او ڈیفنس محمدعلی اور ایس آئی او وسیم ابڑو کو گرفتار کر لیا گیا ہے۔

سابق ایس ایچ او تھانہ گگو ارشد عباس کو غفلت اور لاپرواہی پر مقدمہ درج کر کے گرفتار کر لیا گیا ہے، ان کے خلاف مقدمہ ڈی ایس پی بورے والا شمس الدین خان کی مدعیت میں پولیس آرڈر 2002 کی دفعہ 155/C کےتحت درج کیا گیا ہے

ایس ایس پی کے مطابق تینوں باشندوں کو اغواء کیا گیا تھا جنہیں گزری سے 14 نومبر 2020ء کو بازیاب کرایا گیا اور ڈیفنس پولیس کے حوالے کیا گیا۔

تینوں غیر ملکیوں کے اغواء کا مقدمہ ڈیفنس تھانے ہی میں درج تھا۔

ڈیفنس پولیس نے نائیجیرین باشندوں کو سفارت خانے کے حوالے کرنے کے بجائے دلبر نامی شخص کے حوالے کر دیا جس کے بعد سے وہ لاپتہ ہیں۔

نائیجیرین باشندوں کے اغواء کے کیس میں 3 ملزمان گرفتار ہیں جنہوں نے دورانِ تفتیش پولیس کو بتایا ہے کہ دونوں گرفتار افسران نے لاکھوں روپے لے کر غیر ملکی باشندوں کو دلبر ملانو کے حوالے کیا۔

پولیس کا کہنا ہے کہ دلبر کا تعلق شکارپور سے ہے جو کہ زمیندار ہے۔

اس معاملے کی تحقیقات کے لیے کراچی پولیس چیف نے اعلیٰ سطح کی کمیٹی بنائی تھی، جس کی تفتیش میں یہ معاملہ سامنے آیا ہے۔

بشکریہ جنگ