نہ لوٹے رہے نہ ہی این آر او، یہ اب حکومت چھوڑ کر بھاگ رہے ہیں، فرخ حبیب

پاکستان تحریک انصاف (پی ٹی آئی) کے مرکزی سیکریٹری اطلاعات فرخ حبیب نے کہا ہے کہ نہ لوٹے رہے نہ ہی این آر او، یہ اب حکومت چھوڑ کر بھاگ رہے ہیں۔

مریم نواز نے کہا کہ سرگودھا نواز شریف سے عشق کرنے والوں کا شہر ہے، کہا جاتا تھا نواز شریف کی سیاست ختم ہوگئی۔

مریم نواز کے خطاب پر ردِ عمل دیتے ہوئے فرخ حبیب کا کہنا تھا کہ کرپشن کی بنیادوں پر کھڑی تاریک سیاست دم توڑ رہی ہے۔

انہوں نے یہ بھی کہا کہ جھوٹے اور غدار سمجھ لیں، قوم بھکاریوں کے پیچھے نہیں خوددار اور آزاد قائد کے لیے نکلتی ہے۔

فرخ حبیب کا کہنا تھا کہ عوام نے کٹھ پتلیوں کے خلاف کپتان کے ساتھ کھڑے ہو کر بتادیا غلاموں کی غلامی کسی صورت قبول نہیں۔

تحریک انصاف کے رہنما نے کہا کہ بیرونی اشاروں پر ملکی سیاست میں کٹھ پتلیوں کا تماشہ ابتداء ہی میں بکھر گیا۔

بشکریہ جنگ