وزیراعظم آج صدر سے ملاقات کریں گے

وزیراعظم شہباز شریف آج ایوان صدر میں صدر عارف علوی سے ملاقات کریں گے۔

ذرائع کے مطابق وزیراعظم میاں شہباز شریف دوپہر 2 بجے صدر عارف علوی سے ملاقات کریں گے۔

ذرائع کا کہنا ہے کہ وزیراعظم چاروں صوبوں کے گورنرز کی تعیناتی، گورنر پنجاب کو ہٹانے کی سمری پر بات کریں گے۔

ذرائع نے بتایا کہ ملاقات میں مملکت کے امور اور قومی سلامتی کے معاملات پر بھی گفتگو ہوگی۔

ذرائع کا یہ بھی کہنا ہے کہ ملاقات میں تحریک عدم اعتماد کے بعد پیدا ہونے والی تلخی کم کرنے کی کوشش کی جائے گی

بشکریہ جنگ