وزیر خزانہ کا بینکوں کو سائبر حملوں کے خطرات میں حفاظتی انتظامات موثر بنانے کا مشورہ

وزیر خزانہ سینیٹر محمد اورنگزیب نے بینکوں کو سائبر حملوں کے خطرات سے نمٹنے کےلیے حفاظتی انتظامات موثر بنانے کا مشورہ دیدیا۔

پاکستان بینکس ایسوسی ایشن کی تقریب سے ورچوئل خطاب میں وزیر خزانہ نے کہا کہ رواں سال ترسیلات زر 44 ارب ڈالر سے زیادہ ہونے کی توقع کی۔

وزیراعظم نے ایس ایم ایز، ہاؤسنگ اور زراعت کو ترقی کیلئے اہم قرار دے دیا

انہوں نے کہا کہ ڈیجیٹل نظام کے فروغ کے ساتھ سائبر سیکیورٹی خطرات سے نمٹنے کےلیے کسی غفلت کی گنجائش نہیں، حفاظتی نظام کو موثر بنانا ہوگا۔

وزیر خزانہ نے بینکوں کو ڈیجیٹل اثاثوں سے متعلق عملی تجاویز تیار کرنے اور متعلقہ ریگولیٹرز کے ساتھ کام کرنے کی دعوت دی۔