72 رکنی وفاقی کابینہ کی تشکیل کیخلاف شیخ رشید کی درخواست مسترد

سابق وزیر داخلہ شیخ رشید احمد کی 72 رکنی وفاقی کابینہ کی تشکیل کے خلاف درخواست مسترد کردی گئی۔ 

اسلام آباد ہائیکورٹ نے شیخ رشید کی درخواست ناقابلِ سماعت قرار دے دی۔

ان کی درخواست پر عدالت عالیہ نے ریمارکس دیے کہ شیخ رشید کی درخواست انتہائی غیر سنجیدہ ہے۔

سابق وزیر داخلہ شیخ رشید کا کہنا ہے کہ پنجاب اسمبلی کے دروازے بند کیے گئے،یہ پہلی قسط ہے،دوسری قسط آنے والی ہے، انتظار کریں

عدالت نے ریمارکس دیے کہ شیخ رشید کی درخواست مثالی جرمانے کے ساتھ خارج ہونی چاہیے۔

عدالتی ریمارکس میں کہا گیا کہ شیخ رشید کے منتخب نمائندہ ہونے کے باعث عدالت تحمل کا مظاہرہ کر رہی ہے۔

درخواست پر اسلام آباد ہائیکورٹ نے یہ بھی کہا کہ عدالت شیخ رشید کے منتخب رکن پارلیمنٹ ہونے کی وجہ سے جرمانہ نہیں کر رہی۔

بشکریہ جنگ