3 حکومتی اتحادیوں کا اہم رابطہ

پنجاب کے ضمنی الیکشن کے بعد حکومت کے 3 اتحادیوں کا آپس میں اہم رابطہ ہوا ہے۔

نواز شریف، آصف زرداری اور مولانا فضل الرحمٰن کے درمیان ٹیلیفونک گفتگو ہوئی ہے۔

تینوں رہنماؤں نے پنجاب کے ضمنی انتخابات کے نتائج اور سیاسی صورتِ حال کا جائزہ لیا۔

ذرائع کا کہنا ہے کہ دورانِ گفتگو پنجاب اور مرکز میں آئندہ کی حکمتِ عملی پر بھی تبادلۂ خیال کیا گیا۔

تینوں رہنماؤں نے اتفاق کیا کہ اتحادیوں کی مشاورت سے تفصیلی لائحہ عمل اختیار کیا جائے گا۔

واضح رہے کہ پنجاب کی 20 نشستوں پر گزشتہ روز ہونے والے ضمنی انتخابات میں پی ٹی آئی 15 سیٹیں حاصل کر کے پہلے پر نمبر پر ہے۔

ان انتخابات میں مسلم لیگ ن 4 نشستوں کے ساتھ دوسرے نمبر پر رہی جبکہ 1 نشست پر آزاد امیدوار کامیاب ہوا ہے۔

بشکریہ جنگ