یہ سب عمران خان کو قتل کروانا چاہتے ہیں، خرم شیر زمان

پاکستان  تحریک انصاف (پی ٹی آئی) کے رہنما خرم شیر زمان کا کہنا ہے کہ یہ سب عمران خان کو قتل کروانا چاہتے ہیں، ان کے پاس دوسرا کوئی آپشن نہیں ہے۔

پی ٹی آئی چیئرمین نے کہا کہ امپورٹڈ حکومت چاروں طرف سے پولیس لے کر آگئی ہے، اندیشہ ہے یہ گرفتاری کریں۔

کراچی میں پریس کانفرنس کرتے ہوئے خرم شیر زمان نے کہا کہ یہ تماشا لگا کر کسی طرح سے عمران کی جان لینا چاہتے ہیں، ذوالفقار بھٹو اور بینظیر کو بھی اسی طرح سے قتل کیا گیا۔

پی ٹی آئی رہنما نے کہا کہ عمران خان نے قوم کا مقدمہ لڑا، عمران خان کو کچھ ہوا تو ہم ان کے گھروں کا گھیراؤ کریں گے۔

اسلام آباد پولیس کا کہنا ہے کہ پی ٹی آئی رہنماؤں نے یقین دہانی کروائی کہ وہ قانون پر عمل کریں گے، ہم امید کرتے ہیں وہ عدالت میں پیش ہوں گے۔

خرم شیر زمان نے کہا کہ جو بھگوڑا باہر گیا تھا اس کو گرفتار کرکے کیوں نہیں لاتے؟، ملک سے فرار ہونے والے کو بھی واپس لایا جائے۔

پی ٹی آئی رہنما نے کہا کہ ذوالفقار بھٹو اور بینظیر کا بھی اس طرح سے قتل ہوا، سندھ حکومت بھی عمران خان کو نقصان کی ذمہ دار ہوگی۔

خرم شیر زمان نے کہا کہ سندھ حکومت سن لے ان کے ساتھ یہاں کچھ اور ہوگا۔

اس موقع پر حلیم عادل کا کہنا تھا کہ پی ڈی ایم کے تماشہ لگانے کا مقصد الیکشن سے راہ فرار اختیار کرنا ہے، ہم کسی بھی طرح سے ان کی سازش کا مقابلہ کرتے رہیں گے۔

بشکریہ جنگ