یوکرین: روس کے میزائل حملے، 5 افراد ہلاک

یوکرینی حکام نے دعویٰ کیا ہے کہ روس نے رات گئے دارالحکومت کیف، وسطی اور جنوبی ریجن میں میزائل حملے کیے ہیں، جن کے نتیجے میں 5 افراد ہلاک اور متعدد زخمی ہو گئے۔

یوکرینی حکام کے مطابق وسطی علاقے Uman میں روسی میزائل حملے میں رہائشی عمارت کو نشانہ بنایا گیا، جس میں 3 افراد ہلاک اور 8 زخمی ہوئے۔

وسطی شہر دنیپرو میں میزائل حملے میں 1 خاتون اور 1 بچہ ہلاک ہوا ہے۔

غیرملکی میڈیا کے مطابق یوکرینی حکام کا کہنا ہے کہ روس نے دارالحکومت کیف پر 21 ایرانی ساختہ شاہد ڈرون سے حملہ کیا جس میں سے 16 ڈرون کو مار گرادیا گیا۔

کیف ریجن میں روسی کارروائی میں 2 افراد زخمی ہوئے۔

یوکرینی فوج نے دعویٰ کیا ہے کہ یوکرینی فضائی دفاع نے کیف کے اردگرد فضا میں روس کے 21 میزائل اور 2 ڈرونز مار گرائے جن کے ملبے سے پاور لائن کو نقصان پہنچا ہے۔

بشکریہ جنگ