بدھ14؍شوال المکرم 1442ھ26؍مئی 2021ء

ہرنائی میں زلزلہ، وزیرِ اعلیٰ خیبر پختونخوا کا اظہارِ افسوس

وزیرِ اعلیٰ خیبر پختون خوا محمود خان نے بلوچستان کے ضلع ہرنائی میں گزشتہ شب آنے والے زلزلے سے ہونے والے نقصانات پر اظہارِ افسوس کیا ہے۔

پشاور سے جاری کیئے گئے ایک بیان کے ذریعے وزیرِ اعلیٰ خیبر پختون خوا محمود خان نے ہرنائی میں آنے والے زلزلے سے متاثرہ خاندانوں سے دلی ہمدردی اور تعزیت کا اظہار کیا ہے۔

ہرنائی میں زلزلے کے بعد آفٹر شاکس کا سلسلہ جاری ہے، جس سے متاثرین میں خوف و ہراس پھیل گیا ہے، آفٹر شاکس کے باعث بوسیدہ مکانات کے گرنے کا خطرہ ہے۔

واضح رہے کہ بلوچستان کے ضلع ہرنائی میں رات گئے زلزلے کے شدید جھٹکے محسوس کیئے گئے، زلزلے کی شدت ریکٹر اسکیل پر 5 اعشاریہ 9 ریکارڈ کی گئی۔

زلزلے سے ہرنائی میں 20 افراد جاں بحق اور 300 سے زائد زخمی ہوئے ہیں۔

بلوچستان کے ضلع ہرنائی میں خوفناک زلزلے سے جاں بحق افراد کی تعداد 20 ہو گئی، متعدد زخمی ہوئے ہیں، زلزلے سے متاثرہ شدید زخمیوں کی کوئٹہ منتقلی کے لیے ہیلی کاپٹر آپریشن جاری ہے۔

ہرنائی میں پاک فوج کے ڈاکٹر، طبی عملہ اور دیگر جوان امدادی کارروائیوں میں مصروف ہیں۔

پاک فوج کے ہیلی کاپٹر کے ذریعے زلزلے کے شدید زخمیوں کو طبی امداد کے لیے ہرنائی سے کوئٹہ منتقل کیا گیا ہے۔

بشکریہ جنگ
You might also like

Comments are closed.