گوجرانوالہ: سرکاری دفتر میں خواجہ سرا سے رقص کرانے کا مقدمہ درج، ایک کلرک گرفتار

گوجرانوالہ کے سرکاری دفتر میں خواجہ سرا سے رقص کرانے کا مقدمہ تھانہ سول لائن میں درج کرلیا گیا، پولیس نے ایک کلرک کو گرفتار کرلیا۔

پولیس کے مطابق مقدمہ میں حبس بےجا میں رکھنے، غیر اخلاقی حرکات اور دھمکیاں دینے کی دفعات شامل کی گئی ہیں۔

ایف آئی آر کے متن کے مطابق خواجہ سرا سرکاری دفتر راشن لینے گیا، جہاں ملازمین نے اسے ڈانس کرنے پر مجبور کیا۔

پولیس کا کہنا ہے کہ ایک کلرک کو گرفتار کرلیا دیگر ملازمین کی گرفتاری کیلئے کوششیں جاری ہیں۔

پولیس کے مطابق خواجہ سرا کو سیکیورٹی فراہم کر دی ہے، خواجہ سرا نے نامعلوم افراد کی طرف سے دھمکیاں ملنے کی بھی شکایت کی تھی۔

بشکریہ جنگ