گوادر میں فوجی قافلے پر دہشت گردوں کا حملہ

پاک فوج کے شعبہ تعلقات عامہ آئی ایس پی آر کا کہنا ہے کہ گوادر میں دہشت گردوں نے فوجی قافلے پر حملہ کیا ہے۔

 آئی ایس پی آر کے مطابق دہشت گردوں نے حملے میں چھوٹے ہتھیاروں اور دستی بموں کا استعمال کیا۔

سیکیورٹی فورسز کی مؤثر جوابی کارروائی میں 2 دہشت گرد مارے گئے۔

آئی ایس پی آر کا کہنا ہے کہ دہشتگردوں کی جانب سے حملہ آج صبح 10 بجے کے قریب کیا گیا۔

آئی ایس پی آر کا کہنا ہے کہ سیکیورٹی فورسز دہشت گردوں کی ہر ناپاک کوشش کو ناکام بنانے کے لیے پُرعزم ہیں۔

بشکریہ جنگ