گجر نالے کو ماڈرن نالہ بنانے کیلئے انسداد تجاوزات آپریشن کا تیسرا دن

کراچی کے گجر نالے کو ماڈرن نالہ بنانے کے لئے انسداد تجاوزات آپریشن تیسرے روز میں داخل ہوگیا ہے، نالے کے دونوں اطراف آٹھ آٹھ کلومیٹر تک کچی تجاوزات ہٹادی گئی ہیں۔

ڈائریکٹر اینٹی انکروچمنٹ بشیر صدیقی کاکہنا ہے کہ 70فیصد سے زائد متاثر مکانات کے متاثرین کو دو سال کا کرایہ دیں گے۔

انہوں نے بتایا کہ نالہ اسٹاپ سے کیفے پیالہ تک کچی تجاوزات ہٹا دی ہیں ۔

ڈائریکٹر انسداد تجاوزات سیل کا مزید کہنا تھا کہ 4 ہزار مکانات خالی کرنے کے لئے مکینوں کو 10 دن کی مہلت دے دی گئی ہے، مکانات گرانےکی کارروائی 19 فروری سے کی جائے گی۔

بشکریہ جنگ