کینیڈا کے مشرقی علاقوں میں آندھی، طوفانی بارش

کینیڈا کے مشرقی علاقوں میں آندھی اور طوفانی بارش کے سبب ہنگامی حالت نافذ کردی گئی ہے جبکہ لاکھوں گھر بجلی سے محروم ہیں۔

طوفان فی اونا سے نو وا اسکاٹیا، پرنس ایڈورڈ آئی لینڈ، نیو برنسویک، نیو فاؤنڈ لینڈ اور کیوبیک کے میگ ڈالین آئی لینڈز متاثر ہیں۔

کچھ علاقوں میں آندھی کی رفتار سو کلو میٹر فی گھنٹہ تھی جس سے درخت اکھڑ گئے اور گھروں کی چھتوں اور کاروباری علاقوں میں دکانوں کو بھی نقصان پہنچا۔

بعض مقامات پر لوگوں کو انخلاء کی بھی ہدایت کی گئی ہے، ساحلی علاقے میں ایک خاتون کے لاپتہ ہونے کی بھی تصدیق کی گئی ہے۔

اٹلانٹک کینیڈا اور جنوبی کیوبیک میں موسم مزید خراب رہنے کی پیش گوئی کی گئی ہے۔

بشکریہ جنگ