کچے میں آپریشن: سندھ پولیس کا حتمی پلان کی تیاری کا فیصلہ
سندھ پولیس نے کچے میں آپریشن کے لیے حتمی پلان تیار کرنے کا فیصلہ کیا ہے۔
اس حوالے سے جاری کیے گئے نوٹیفیکیشن میں بتایا گیا ہے کہ کچے میں آپریشن کے لیے آئی جی سندھ کی سربراہی میں اعلیٰ سطح کی کمیٹی بنا دی گئی ہے۔
نوٹیفیکیشن کے مطابق 14 رکنی کمیٹی کچے میں آپریشن کے لیے جامع پلان ترتیب دے گی۔
نوٹیفیکیشن میں بتایا گیا ہے کہ کشمور، گھوٹکی، شکارپور، سکھر میں ڈاکوؤں کے ٹھکانوں کی تفصیلات جمع کی جائیں گی۔
نوٹیفیکیشن کے مطابق ڈاکوؤں کے ٹھکانے ختم کر کے پولیس بیس کیمپ بنانے کے لیے پلان بنایا جائے گا۔
سندھ کے کچے کے علاقوں میں مستقل امن کے لیے بھی پلان پیش کیا جائے گا۔
نوٹیفیکیشن کے مطابق کمیٹی میں ایڈیشنل آئی جی اسپیشل برانچ، ڈی آئی جی آر آر ایف، لاڑکانہ اور سکھر، ایس ایس پی کشمور اور گھوٹکی بھی شامل ہیں۔
نوٹیفیکیشن میں بتایا گیا ہے کہ حساس ادارے، رینجرز اور فوج کے نمائندے بھی کمیٹی کا حصہ ہوں گے۔
یہ کمیٹی وزیرِ اعلیٰ سندھ مراد علی شاہ کی ہدایت پر بنائی گئی ہے جس کی 6 دن میں اُنہیں رپورٹ بھی پیش کی جائے گی۔
Comments are closed.