کوہاٹ: سی ٹی ڈی اور حساس اداروں کی مشترکہ کارروائی، 9 دہشتگرد گرفتار

کوہاٹ میں کاؤنٹر ٹیررزم ڈپارٹمنٹ سی ٹی ڈی اورحساس اداروں نے  مشترکہ کارروائی کرتے ہوئے کالعدم تحریک طالبان پاکستان (ٹی ٹی پی ) کے 9 دہشت گردوں کو گرفتار کرلیا۔

محکمہ انسداد دہشتگرد ی کے ایس پی کوہاٹ ریجن کے مطابق کارروائی ضلع ہنگو کے رحمت شاہ بانڈہ مہاجر کیمپ میں کی گئی۔

سی ٹی ڈی حکام کا کہنا ہے کہ 9 گرفتار دہشتگردوں کے قبضے سے کلاشنکوف، آر پی جی، دستی بم سمیت دیگر گولہ بارود برآمد ہوا ہے۔

حکام کا کہنا ہے اس واقعے سے متعلق مزید تفتیش جاری ہے۔

بشکریہ جنگ