کولمبو: طالبعلم کے جوتے سے سانپ کا بچہ نکل آیا

کولمبو میں ایک اسکول طالب علم کے جوتے سے کوبرا سانپ کا بچہ نکلا۔

میڈیا رپورٹس کے مطابق مذکورہ طالب علم آٹھویں جماعت میں زیرِ تعلیم ہے جسے اسکول پہنچنے پر سیدھے پاؤں میں چبھن محسوس ہوئی۔

جوتا اتارنے پر طالب علم نے اس میں کوبرا کے بچے کو پایا جسے دیکھ کر وہ بے ہوش ہو گیا۔

اسکول انتظامیہ نے واقعے کا پتہ چلتے ہی بچے کو فوری طبی امداد کے لیے قریبی اسپتال منتقل کر دیا۔

اسپتال انتظامیہ کے مطابق 13 سالہ بچے کو سانپ نے کوئی نقصان نہیں پہنچایا البتہ اسے جلد پر جلن کا احساس ہوا ہے۔

انتظامیہ نے بتایا کہ طالب علم کے ٹیسٹ بھی کیے گئے ہیں جن میں سانپ کے کاٹنے کی کوئی تصدیق نہیں ہوئی اور خون کی رپورٹ میں بھی زہر نہیں پایا گیا۔

میڈیا رپورٹس کے مطابق طالب علم کے جوتے میں موجود کوبرا سانپ کا بچہ 7 انچ لمبا تھا۔

بشکریہ جنگ