کم عمر ڈرائیورز کا کریمنل ریکارڈ بنانے پر پولیس اور سی ٹی او لاہور طلب

لاہور ہائی کورٹ نے کم عمر ڈرائیورز کا کریمنل ریکارڈ بنانے کے اقدام پر سی ٹی او لاہور اور پولیس سمیت دیگر فریقین سے رپورٹ طلب کر لی۔

عدالت میں کم عمر ڈرائیورز کا کریمنل ریکارڈ بنانے کے اقدام کے خلاف دائر درخواست پر سماعت ہوئی۔

درخواست گزار نے عدالت میں مؤقف اختیار کی کہ پولیس کم عمر ڈرائیورز کا نام کریمنل ریکارڈ میں شامل کر رہی ہے، چیف ٹریفک آفیسر نے عدالت میں بیان دیا تھا کہ کم عمر ڈرائیورز کا نام کریمنل ریکارڈ میں شامل نہیں کیا جائے گا، کم عمر ڈرائیورز کے ابھی شناختی کارڈز نہیں بنے لیکن کریمنل ریکارڈ بنایا جا رہا ہے۔

عدالت نے سی ٹی او لاہور اور پولیس سمیت دیگر سے رپورٹ طلب کرتے ہوئے آئندہ سماعت 5 دسمبر تک ملتوی کر دی۔

بشکریہ جنگ