بدھ14؍شوال المکرم 1442ھ26؍مئی 2021ء

کشمیر انتخابات: سماہنی میں PTI امید وار کے قافلے پر پتھراؤ

آزاد کشمیر کے ضلع بھمبر کی تحصیل سماہنی میں پی ٹی آئی کے امید وار چوہدری علی شان کے قافلے پر مخالفین کی جانب سے مبینہ پتھراؤ کیا گیا ہے۔

آزاد جموں کشمیر کی قانون ساز اسمبلی کے انتخابات کے سلسلے میں ووٹ ڈالنے کا عمل جاری ہے، پولنگ شام 5 بجے تک بغیر کسی وقفے کے جاری رہے گی۔

سماہنی پولیس کے مطابق پتھراؤ کا واقعہ پولنگ اسٹیشن نمبر 73 اور 74 کے قریب پیش آیا ہے۔

آزاد کشمیر کے ضلع کوٹلی کے حلقے ایل اے 12چڑھوئی میں 2 سیاسی جماعتوں کے کارکنوں کے درمیان ہونے والے تصادم اور جھگڑے کے دوران ہونے والی فائرنگ سے زخمی ہونے والا 1 اور شخص بھی چل بسا، جس کے بعد واقعے میں ہلاکتوں کی تعداد 2 ہو گئی۔

سماہنی پولیس نے مزید بتایا کہ مبینہ طور پر مخالفین کے پتھراؤ سے 3 گاڑیوں کے شیشے ٹوٹ گئے۔

آزاد کشمیر کے ضلع باغ میں ووٹنگ کے دوران حلقہ ایل اے 15 وسطی باغ سلہٹ کے پولنگ اسٹیشن پر دوبار تصادم ہوا ہے۔

سماہنی پولیس کا یہ بھی کہنا ہےکہ پتھراؤ کے مقام پر اس وقت حالات مکمل کنٹرول میں ہیں اور پولنگ کا عمل جاری ہے۔

بشکریہ جنگ
You might also like

Comments are closed.