کسی طور الیکشن کی تاریخ نہیں دیں گے، جاوید لطیف

وفاقی وزیر میاں جاوید لطیف نے کہا ہے کہ الیکشن اگلے سال ہوگا، ہم اپنی مدت پوری کریں گے۔

جیو نیوز کے پروگرام کیپٹل ٹاک میں گفتگو کرتے ہوئے انہوں نے کہا کہ کسی طور الیکشن کی تاریخ نہیں دیں گے۔

میاں جاوید لطیف کا کہنا تھا کہ عمران خان کے لانگ مارچ کو ڈی چوک نہیں آنے دیا جائے گا۔

پیپلز پارٹی کے رہنما ندیم افضل چن نے کہا ہے کہ عمران حکومت کا خاتمہ سیاسی لحاظ سے اتحادی جماعتوں کو نقصان ہوا۔

قبل ازیں خواجہ آصف کا کہنا تھا کہ مسلم لیگ (ن) نے اسمبلیوں کی دو، چار، پانچ، دس دن میں تحلیل کا فیصلہ کرلیا تھا، مگر پھر سوچ کر فیصلہ تبدیل کر لیا کہ یہ فیصلہ عمران خان کے دھرنے سے نتھی ہو جائے گا۔

بشکریہ جنگ